დღეს საქართველოს eროვნული ლიგის XIII ტურის თეთრი ჯგუფის მატჩები გაიმართა.
თბილისის ლოკომოტივმა და ნიკა ასათაშვილმა საკმაოდ მნიშვნელოვანი სამი ქულა მოიპოვეს. ასათას მეტოქე ლიგაში დარჩენისთვის მებრძოლი იკა მახათაძე იყო. მატჩი ლოკომოტივის უპირატესობით წარიმართა და საბოლოოდ 4:0 დასრულდა. ამ გამარჯვებით ასათაშვილი პირველ ადგილზე პოზიციებს იმყარებს, მას 22 ქულა აქვს და უკვე 6 ქულით უსწრებს მორჩაძეს, მახათაძეს კი 9 ქულა დარჩა და თამაშით მეტი აქვს ჩატარებული ბოლო ადგილზე მყოფ თორნიკე ზეიკიძეზე.
მეორე ადგილზე მყოფმა ირაკლი მორჩაძემ, მირიან ფალავანდიშვილს 3-0 მოუგო. გამარჯვება ამ მატჩში ორივე მოთამაშეს ძალინ სჭირდებოდა. ირაკლი ცდილობს ლიდერთან ქულების შემცირებას, თავის მხრივ ფალვანდიშვილი დარჩენისთვის იბრძვის და მას 12 ქულა აქვს.
სამწუხაროდ გადაიდო დავით ანტონაშვილისა და სანდრო ჭურაძის მატჩი.
